430,39 515.14 5.65
+7 (7172) 757 485 24kz@khabar.kz
ҚАЗ

Елімізде шетел университеттерінің филиалдары ашылады

  • 219
  • UPD: 14:56, 11.03.2021

Қазақстанда шетел университеттерінің филиалдары ашылады. Бұл жоспарды бүгін үкімет басшысы Асқар Мамин жеткізді.

Маминнің айтуынша, елден дарынды жастардың кетуін болдырмау мақсатында аталмыш қадамға бару уақыт талабы. Әрі бәсекеге қабілетті адам капиталын дамыту «білім экономикасына» көшудің негізгі жолы.

Елде білім берудің мазмұнын жаңарту, жаңа инфрақұрылымын құру, педагогтар мен оқушыларды әлеуметтік қолдау бойынша нақты шаралар әзірленді.

2024 жылға қарай педагог жалақысы мен студент шәкіртақысы 2 есеге өседі. 800 жаңа мектеп салынып, 5 мың ауыл мектебі жаңартылады. Колледждерде 9-сыныптың негізінде білім беру толығымен тегін болады. Отандық 20 жоғарғы оқу орыны өңірлердің өсу орталығына айналады. Сондай-ақ Назарбаев Университетінің тәжірибесі негізінде 2 озық оқу орыны құрылады.

Хабар 24 телеарнасы