427,82 518.00 5.92
+7 (7172) 757 485 24kz@khabar.kz
ҚАЗ

Елімізде 63 мың студент жатақханаға мұқтаж

  • 92
  • UPD: 19:53, 03.06.2021
Елімізде 63 мың студент жатақханаға мұқтаж

Елде жатақханаға мұқтаж студенттердің саны 63 мыңнан асып жығылады, деп хабарлайды «Хабар 24».

Әсіресе, Алматыда 20 мың, елордада 17 мың орын жетіспейді. Мамандардың айтуынша, жатақханаға зәру студенттердің саны одан сайын ұлғая түспек. Мәселені шешу үшін Білім және ғылым министрлігі арнайы жобаны қолға алды. Атап айтқанда, мемлекет пен жеке меншік әріптестіктің негізінде инвесторлар тартпақ. Ол үшін құрылыс кезінде бір студентке шақталған мемлекеттік тапсырыстың жылдық құны 122 айлық есептік көрсеткішке тең. Ал, дайын ғимаратты жаңғыртып, жатақханаға айналдырар болса 47 айлық есептік көрсеткіш мөлшерінде төленеді. Жалпы бұл мақсатта ел қазынасынан 152 млрд теңге қаралған. Бүгінде жатақхана құрылысы мен жаңғырту жұмыстарын жүргізуге 79 келісімшарт жасалды. Осының арқасында студенттер тағы 29 350 орынмен қамтылмақ.

Хабар 24 телеарнасы