425,78 518.00 5.85
+7 (7172) 757 485 24kz@khabar.kz
ҚАЗ

140 балл жинаған оқушы жоғарғы білімді Қазақстанда алады

  • 250
  • UPD: 22:46, 07.06.2021

Ұлттық бірыңғай тестілеуден 140 балл жинаған оқушы Данияр Уәлиев жоғарғы білімді Қазақстанда алады.

Оған қазақстандық университеттердің бірі гранты мен ректорлық шәкіртақы ұсынды. Тестілеуде ең жоғары көрсеткішке қол жеткізгені үшін павлодарлық түлекке Білім-инновация қоры соңғы үлгідегі ноутбук сыйға тартты. Жалпы қор 5 жылдан бері білім-инновация лицейін тәмамдап, ұлттық бірыңғай тестілеуде жоғары балл алған оқушыларға осындай сыйлық жасап келеді.   

Данияр Уәлиев, түлек:

- Сүлеймен Демирель атындағы университеттің грантын ұсынды. Инженер мамандығын меңгерсем деймін. Болашақта энергетика саласында жұмыс істегім келеді. Білім алып, өз ісінің шебері деген атаққа қол жеткізгім келеді. Осылайша отбасым мен Отанымның игілігі үшін еңбек етуді жоспарлап отырмын.

Хабар 24 телеарнасы