Әлемнің үздік университеттері рейтингіне 14 қазақстандық ЖОО кірді, деп хабарлайды «Хабар 24».
Халықаралық Quacquarelli Symonds агенттігі бүгін жылдық қорытындысын жариялады. Биылғы рейтингке әлемнің түкпір-түкпірінен 1500 жоғары оқу орны қамтылған. Еліміздің оқу орындары арасында үздік үштікке кірген Мұхтар Әуезов атындағы Оңтүстік Қазақстан университеті әлемдік көрсеткіште 482-ші орынға көтерілген. Ол өткен жылмен салыстырғанда 8 саты жоғары. Университет ректоры Дария Қожамжарова: «бұл бүкіл ұжымның талмай еткен еңбегінің нәтижесі», дейді. Жоғары оқу орындары арасында белсенділік пен ғылыми-зерттеу қызметінің сапасы, жұмыс берушілер мен академиялық сарапшылардың пікірі рейтингте ескерілген.
Дария Қожамжарова, М.Әуезов атындағы оңтүстік қазақстан университетінің ректоры:
- Рейтингтің бірнеше позициялары бар. Рейтинг деген сөздің өзі қазіргі таңда бәсекелестіктен туады. Сондықтан да біз өте қуаныштымыз. Біздің ойымызша, бұл біздің университеттің ғалымдардың қала берді ата-аналардың жалпы жұмыс беруші стейхолдерларының бірлескен жеңісі деп есептейміз. Біздің ойымызша, қазіргі таңда әр аймақтағы ЖОО ол өзінің стратегиясын өзгертіп отыр.