Бүгін Үкімет отырысында Білім және ғылым министрі Асхат Аймағамбетов халықаралық зияткерлік олимпиада жеңімпаз болған мектеп оқушыларына берілетін сыйақы көлеміне тоқталды.
Мәселен, бірінші орынға бір жолғы премия мөлшері 4 млн 375 мың 500 теңге болады. Екінші орынға 2 млн 917 мың теңге. Және үшінші орынға 1 млн 458 мың 500 теңге беріледі. Күні кеше мемлекет басшысы Қасым-Жомарт Тоқаев Қазақстан халқына арнаған жолдауында білім саласына ерекше тоқталған болатын. Президент отандық ІТ-секторды дамытудың маңызды екенін айтты. Елімізге жас, білімді әрі ынталы мамандар керек. Цифрландыру жөніндегі ұлттық жобаның аясында кемінде 100 мың жоғары білікті ІТ-маман даярлау қажет екен.