426,32 496.50 6.01
+7 (7172) 757 485 24kz@khabar.kz

2021 жылы шетелде оқитын 11 мыңнан астам отандасымыз қазақстандық ЖОО-ларға ауысты

  • 244
  • UPD: 11:24, 24.09.2021
2021 жылы шетелде оқитын 11 мыңнан астам отандасымыз қазақстандық ЖОО-ларға ауысты Алау.кз

2021 жылы шетелде білім алған 11 мыңнан астам қазақстандық еліміздің жоғары оқу орындарына ауысты.

ҚР БҒМ мәліметінше, студенттердің көпшілігі Ресей университеттерінен ауысты. Сондай-ақ бұрын АҚШ, Қытай, Франция, Венгрия, Чехия, Польша, Түркия университеттерінде оқыған, бірақ Қазақстанда оқуын жалғастыруға шешім қабылдаған студенттер де бар.

«Қысқы және жазғы сессияның қорытындысы бойынша бұрын шетелде білім алған 11 мыңнан астам студент қазақстандық жоғары оқу орындарына ауысуға ниет білдірді. Олар жеңілдетілген ауысу тәртібі бойынша қабылданып, қазір отандық жоғары оқу орындарында білім алып жатыр. Мәселен, олар Әл-Фараби атындағы Қазақ ұлттық университеті, Қазақ ұлттық қыздар педагогикалық университеті, Нархоз университеті, Қ.Сәтпаев атындағы ҚазҰТЗУ және басқа да жоғары оқу орындарына қабылданды. Өткен жылы шетелдік жоғары оқу орындарынан 15 мыңға жуық студент біздің университетімізге ауысты», деді ҚР БҒМ Жоғары және жоғары оқу орнынан кейінгі білім департаментінің директоры Әділет Тойбаев.

Айта кетейік, студенттер санының артуына байланысты жаңа жатақханаларды салу және бар жатақханаларды реконструкциялау қарқынын жеделдету үшін тетіктер әзірленді. Осы жылдың соңына дейін елімізде 37 жаңа студенттік жатақхана пайдалануға беріледі.

Хабар 24 телеарнасы