434.16 493.30 5.87
+7 (7172) 757 485 24kz@khabar.kz

«Болашақ» бағдарламасына 28 жыл толды

  • 115
  • UPD: 14:57, 05.11.2021
«Болашақ» бағдарламасына 28 жыл толды Baribar.kz

Білім және ғылым министрі Асхат Аймағамбетов «Болашақ» бағдарламасының 28 жылдығымен құттықтады.

«Болашақ» стипендиясы — ҚР Тұңғыш Президенті, Елбасы Нұрсұлтан Назарбаевтың бастамасымен қолға алынған бірегей стратегиялық жоба.

Бағдарлама жүзеге асырылып келе жатқан 28 жылдың ішінде 14 мыңнан астам қазақстандық әлемнің үздік жоғары оқу орындарында білім алу мүмкіндігіне ие болды. Бүгінде «Болашақ» түлектері түрлі салаларда еңбек етіп, ел дамуына елеулі үлес қосуда.

Мәселен, 800-ге жуық стипендиат денсаулық сақтау саласында қызмет атқарады және жыл сайын ондаған мыңнан астам күрделі ота жасайды.

Білім беру саласы үшін де 800-ден астам маман дайындалды. Олар әртүрлі деңгейдегі білім беру ұйымдарында, оның ішінде ауылдық жерлерде де жұмыс істейді.

Бағдарлама түлектері алған білімдерін іс жүзінде қолданып, ғылым, экономика, журналистика, мәдениет, инновациялар мен технологиялар, мемлекеттік басқару және басқа да секторлардың дамуына еңбек үлестерін қосып келеді.

Озық ғылыми технологияларды трансферттеу үшін Президент Қасым-Жомарт Тоқаев әлемнің жетекші зерттеу орталықтарында жыл сайын 500 ғалымның тағылымдамадан өтуін қамтамасыз етуді тапсырды.

Бұл үшін ғалымдарға арналған тағылымдамалар жаңа санаты бекітілді.

«Болашақ» бағдарламасының 28 жылдығымен құттықтаймын. Бүгінде еліміздің талантты жастарына қолдау көрсетіп келе жатқан «Болашақ» стипендиясы дүниежүзіне танылған қазақстандық брендке айналып отыр».

Хабар 24 телеарнасы