476,27 474,60 7,83
+7 (7172) 757 485 24kz@khabar.kz

Мемлекеттік колледждердің студенттеріне оқуын тоқтатпай-ақ табыс табуға мүмкіндік берілді

  • 156
  • UPD: 11:19, 07.07.2022
Мемлекеттік колледждердің студенттеріне оқуын тоқтатпай-ақ табыс табуға мүмкіндік берілді БҒМ

Мұндай мүмкіндікке жаңа заңнамалық түзетулердің арқасында қол жеткізіп отыр. Енді қазақстандық студенттер оқу кезінде ақша таба алады, деп хабарлайды «Хабар 24».

2021-2022 оқу жылында қабылданған заңнамалық нормалардың арқасында мыңдаған студент табыс тапты. Яғни жаңа заңнамалық түзетулер колледж студенттеріне оқу-өндірістік цехтар мен оқу шаруашылықтарында өздері өндірген өнімдерді сатуға мүмкіндік береді. Өзгерістерді әзірлеушілер мұндай шара студенттердің оқуға деген қызығушылығын арттырып, ынталандыратынын атап өтті.

«Қазіргі таңда 444 мемлекеттік колледждің 97-інде студенттер өз өнімдері мен қызметтерін сатып жатыр. Мысалы, олар колледж қабырғасында дайындалған тәттілерді, нан-тоқаш және кондитерлік өнімдерді сатады. Сондай-ақ «Дәнекерлеу ісі» мамандығы бойынша оқитын студенттер өндірістік тәжірибе кезінде темірден конструкциялар жасап, еңбек нарығына шығарады. Біз бұл жерде толық кәсіпкерлік қызмет туралы емес, тек өндірістік оқу мен тәжірибе кезінде өндірілген өнімдердің сатылып, колледж бюджетін толықтыруға болатынын ғана айтып отырмыз», – дейді дейді ҚР Оқу-ағарту министрлігі Техникалық және кәсіптік білім департаментінің директоры Насымжан Оспанова.

Бұл қаражатты өндірістік оқытуға арналған электродтарды немесе металды сатып алуға пайдалануға болады. Мұндай жұмыстар еліміздің басқа колледждерінде де жалғасын табады.

 

Хабар 24 телеарнасы