476,27 474,60 7,83
+7 (7172) 757 485 24kz@khabar.kz

Биыл еліміздегі колледждерге рекордтық грант бөлінді

  • 162
  • UPD: 20:02, 11.07.2022

Елімізде колледждерде білім алу үшін 128 мың мемлекеттік грант қарастырылған, деп хабарлайды «Хабар 24».

«Былтырғыға қарағанда 45 мыңға көп, яғни бұл – рекодтық мөлшер дейді», – Оқу-ағарту министрлігінің өкілдері. Гранттардың басым бөлігі техникалық салаға бағытталады. Сондай-ақ кәсіпорындардың жұмысқа орналастыру міндеттемесімен сұраныс бойынша кадр даярлау жүйесі енгізілген. Тағы бір жағымды жаңалық – грант бойынша жаңа мамандықтарды оқыту басталады. Енді талапкерлер робот техникасы, Аддитив өндірісі технологиялары, графика және мультимедия дизайны секілді сұранысқа ие заманауи кәсіп түрлерін таңдай алады. Жалпы бүгінде 9-сынып түлектерінің 70%-ке жуығы колледждерде мемлекет есебінен білім алуда. Ал қазір алдағы оқу жылына құжат қабылдау жүріп жатыр, ол тамыз айының 20-сына дейін жалғасады.

Алтай Рахимберлин ҚР ОМ техникалық және кәсіптік білім департаментінің басқарма басшысы:

– Бұл енді мемлекет тарапынан жастарға көрсетіліп отырған үлкен қолдау деп білеміз. Талапкерлер 4 мамандық, сонымен қатар 4 колледжді таңдай алады. Бұл тағы да үлкен мүмкіндік колледж талапкерлеріне. Кәсіпорындардың тапсырысы бойынша мамандарды даярлау жүргізілетін болады. Биылғы жылы 10 мыңнан астам осы кәсіпорындардың тапсырысы бойынша құжаттарды тапсырып отыр.

Хабар 24 телеарнасы