Шымкентте Мұхтар Әуезов атындағы Оңтүстік Қазақстан университетіне білім гранты бойынша емтихан тапсырған Жасмин Тастан 120 балл алса да конкурстан өтпей қалған.
Талапкердің оқуға түсеріне сенімді болған ата-анасы артынан таң-тамаша болып, жоғарыға арызданады. Іле-шала қабылдау комиссиясының маманы қателескені анықталды. Конкурс құжатында талапкер 120 емес, 107 балл алды деп көрсетілген.
Артынша министрлік өкілдері талапкердің ата-анасынан кешірім сұрап, Алматыдағы беделді оқу орнынан білім гранты мен жатақханадан орын бөлетінін жеткізді. Ал құжат қабылдауда қателік жіберген маманға сөгіс жарияланды.