Тараздық жас өнертапқыштар темірге жан бітірді

Таразда «ROBOFEST» атауымен роботты техника, бағдарламалау және инновациялық технологиялар фестивалі өтіп жатыр. Қала күніне орай ұйымдастырылған іс-шараға 10-17 жас аралығындағы 150 ге жуық оқушы келген, деп хабарлайды «Хабар 24».

Көрме басында Авиа модельдеу үйірмесінің оқушылары жасаған ұшақтар көрсетілді. Жалпы фестивал екі бөліктен тұрады. Алғашқысы – көрме. Яғни оқушылар өз туындыларымен мақтанады. Одан соң жарыстар кезеңі. Мұнда жас өнертапқыштар өздері жасаған роботтарымен сынға түседі.

Элизат Ғалымқызы, ұйымдастырушы:

– Тұрмыстағы пайдаланылатын көптеген бағыттар. Мысалы, медицина дейміз немесе тұрмыстық жағдайда пайдаланылатын заттарды өз қолымен, яғни идеяларымен жасаған дүнелерін қойып отыр. Бұл жерде көбінесе қолдан жасалған дүниелер бар және де лего арқылы жасалған дүнелерді көрсетіп отыр.

Вячеслав Кузьмин, жас ғалым:

– Менің жасаған роботым – өрт сөндіру құралы. Атын Темір-Батыр деп қойдым. Құрастыруға 2 ай кетті. Жоғарғы тұсында көбікті атуға арналған зеңбірегі бар. Суды да қолдануға болады. Олар мына тұрған екі бакқа құйылады. Роботты бағдарлама арқылы да орнатылған дрон құрлығысымен де басқаруға болады. Ултрадыбыстық сенсор арқылы өрттің шығу ошағын анықтауға болады.