USD 446.33
EUR 485.56
RUB 5.04
Азияның 14 елінен келген мамандар жаңа тұқым түрлерін зерттеудегі жетістіктерімен бөлісті, деп хабарлайды «Хабар 24».
Мәдени өсімдіктерді өсірумен айналысатын қазақстандық ғалымдардың да жаңалықтары аз емес. Халықаралық тәжірибені зерделеген мамандар жаңа жылдан бастап тұқымдардың цифрлық ақпараттық жүйесін енгізіп, еліміздің фермерлерін жаңа тұқым түрлерімен қамтасыз етуді жоспарлап отыр.
Меруерт Жуандықова, ҚР Ауыл шаруашылығы министрлігі Егіншілік департаменті сарапшысы:
- Шетелдік компанияларды ауыл шаруашылығы дақылдарының отандық селекциясы мен тұқым шаруашылығына инвестиция салуға ынталандыратын шаралардың бірі – Қазақстанның өсімдіктердің жаңа сорттарын қорғау жөніндегі халықаралық одаққа қосылуы. Бұл бағытта жұмыстар жүргізілуде. Өздеріңіз көріп отырғандай, қазақстандық тұқым шаруашылығының алдында үлкен міндеттер тұр және Кореяда өтіп жатқан Азиядағы тұқым шаруашылығын дамыту екі апталық тренинг тұқым шаруашылығының әлемдік үрдістерін түсінуге мүмкіндік берді. Тренинг аясында біз тұқым шаруашылығының өте заманауи процесімен таныстық.
