Би жайында мәліметтер өте аз. Десе де жүргізілген экспедиция барысында Алтай би Найманбайұлының қазіргі Жетісу облысының Сарқан ауданында жерленгені анықталды, деп хабарлайды «Хабар 24».
Ал туған жері – Алматы облысындағы Түрген өңірі. Алтай би қазақ-қырғызға бірдей әділдігімен, туралығымен, шешендігімен аты шыққан. Бүгін Алматыда «Алтай би» қоғамдық қорының ұйымдастыруымен «Дала экспедициясы негізіндегі деректер және ел бірлігін еселеген Алтай би Найманбайұлы» деген тақырыппен халықаралық ғылыми-тәжірибелік конференция өтті. Оған Түркия мен Қырғызстаннан меймандар, бабаның ұрпақтары, ғалымдар қатысып, тарихты зерттеу жайындағы ойларымен бөлісті.
Дүкен Мәсімханұлы, филология ғылымдарының докторы:
- Алтай бидің тарихтағы орнын айқындау, қазақтың елдігін сақтаудағы еңбегі Алтай би Жоңғар шапқыншылығынан кейін мына біздің іргелес жатқан қырғыз елімен арадағы басқа да ел ішіндегі дау-дамайдың бәрін әділдігімен қара қылды қақ жарып шешкен әділдігімен тарихта қалған. Өте әйгілі тұлға. Алтай бидің туған ағасы Әжібай батыр туралы да тарихта қалған деректер бар.