Қарағандыда «XXI ғасыр көшбасшысы» сайысының облыстық кезеңінің жеңімпаздары анықталды
Қарағандыда «XXI ғасыр көшбасшысы» білім сайысының облыстық кезеңінің жеңімпаздары анықталды.
Оқу-ағарту министрлігі мен "Хабар" Агенттігі" АҚ бірлесіп ұйымдастырған білім жарысына өңір бойынша аудан, қала деңгейіндегі кезеңдеріне барлығы 700-ден астам бала қатысқан. Соның ішінен іріктелген 150 бала облыстық сайыста бағын сынады. Үздік шыққан 5 оқушы республикаға жолдама алды.
Білім сайысының облыстық кезеңінен үздік шыққан 5 оқушыға «Сарыарқа дарыны» аймақтық ғылыми-практикалық орталығының мамандары қуанышты хабарды жеткізді. Жеңімпаздардың 3-уі Шахтинск, Теміртау қалалары мен Абай ауданында тұрады. Ауа райының қолайсыздығына байланысты олармен әлеуметтік желі арқылы жүздесу өтті. Ал Қарағанды қаласындағы мектептерде оқитын Еркеназ бен Жұлдыз орталық мамандарымен жолығып, алдағы республикалық кезеңге дайындық жоспарымен танысты. Бұл үлкен жуапкершілік,-дейді Нығмет Нұрмақов атындағы мамандандырылған мектеп-лицей-интернатының оқушысы Еркеаз Мұханбетжан.
Еркеназ Мұханбетжан, Н.Нұрмақов атындағы мамандандырылған мектеп-лицей-интернатының оқушысы:
- Жалпы республикаға барудан өзімнің мойынымда өте үлкен жауапкершілік жатқанын сезінемін. Себебі ең алдымен мен өз мектебімнің. өз ата-анамның атын шығарамын, және де осы Қарағанды қаласынан барып тұрғандықтан өзімнің обылсымның атын шығарамын деген мақтаныш сезімі де бар.
«XXI ғасыр көшбасшысы" сайысының мектеп, аудан, қала деңгейіндегі кезеңдеріне 700-ден астам оқушы қатысқан. Соның ішінен іріктелген 150 бала облыстық кезеңде тест тапсырды. Көпшілік ішінен үздік шыққан 5 қатысушының бірі екенін білгенде Жұлдыз Қайыргелдиеваның қуанышында шек болмапты. Дарын мамандандырылған мектеп-лицей-интенатында оқитын білімді жас республикалық кезеңге дайындықты күшейтемін,-деп отыр.
Жұлдыз Қайыргелдиева, дарын мамандандырылған мектеп-лицей-интернатының оқушысы:
- Әрине енді ұту мақсат қой. Бір өтіп кеткен соң барлығы сенім артып отырғаннан кейін үмітін ақтағым келеді. Әрбір пәннен, әр түрлі саладан қамтып, спорт, музыка пәнінен дайындаламын деп ойлаймын.
«Сарыарқа дарыны» аймақтық ғылыми-практикалық орталығында облыс жеңімпаздарын республикалық кезеңге дайындау үшін арнайы оқу-жаттығу өткізілетін болады. Оған бірнеше пәндер бойынша білікті ұстаздар, ЖОО-ның ғалымдары, психологтар жұмылдырылады.
Әсем Көшкімбаева, "Сарыарқа дарыны" аймақтық ғылыми-практикалық орталығы басшысының орынбасары:
- Келесі республикалық кезеңге дайындалу үшін оөу-жаттығу жұмысын жүргіземіз. Ол кезде балаларыдң психологиялық тұрғысына, дикциясына көңіл бөлінеді. Математикалық, логикалық сұрақтар бар. Екі апталық оқу-жаттығу жұмыстарын жүргізейік деп отырмыз.
«XXI ғасыр көшбасшысы" оқушылардың 11 жыл бойғы оқыған білімі сыналатын үлкен сайыс,-дейді педагог мамандар. Мұндай жарыстар, олимпиадалар оқушылардың жан-жақты дамуына зор ықпал етеді.
Руслан Нұрланұлы, Сайлау Игіліков, Зарина Зұлпыхар