Қазақстандық оқушылар IJSO олимпиадасында 6 медаль еншіледі

Оқушыларымыз тағы бір беделді халықаралық додада олжалы болды. Бухарестте өткен жаратылыстану-ғылыми олимпиадасында ел құрамасы атынан 6 оқушы өнер көрсетіп, барлығы да жүлделі орындарға ілігіп, екі күміс, төрт қола медальді қоржынға салды. Қуанышты жаңалық Оқу-ағарту министрлігінің телеграм парақшасында жарияланды.

Бұл беделді білім сайысына әлемнің 60 елінен 360-тан астам оқушы қатысып, физика, химия және биология пәндері бойынша озық білім деңгейін көрсетті. Олимпиада 15 жасқа дейінгі мектеп оқушыларына арналған халықаралық ғылыми сайыс саналады.

Айта кетейік, былтыр да командамыз ел намысын абыроймен қорғап, жүлдемен оралған болатын.