Ауа райы: Үш облысқа ескерту жарияланды
- 1525
- UPD: 16:17, 17.05.2018
Novoye Vremya
Ауа райының күрт өзгеруіне байланысты Қостанай, Солтүстік Қазақстан облысы мен Ақмола облысына Қазгидромет ескерту жариялады.
18 мамырда тәулік бойы Қостанай облысының кей жерлерінде найзағай ойнап, тұман түседі. Сондай-ақ жел күшейеді.
Ал Солтүстік Қазақстан облысы бойынша солтүстіктен соғатын желдің күші 15-20, кей жерлерде екпіні 23-28 м/с күтіледі. 18 мамырда Петропавл қаласында күндіз солтүстіктен желдің күші 15-20, екпіні 25 м/с болады.
Ақмола облысында оңтүстік, оңтүстік-батыстан соққан жел солтүстік-шығысқа ауысады, түнде кей жерлерде 15-20 м/с, күндіз басым бөлігінде 15-20, кей жерлерінде 25 м/с. Тұман түсіп, найзағай күтіледі.
Астана қаласында 18 мамырда күндіз оңтүстік, оңтүстік-батыстан соққан жел солтүстік-шығысқа ауысады, екпіні 15-20 м/с жетеді.
