384.05 434.70 5.96
+7 (7172) 757 485 24kz@khabar.kz
ҚАЗ


Синоптиктер: Алдағы үш күнде де жаңбыр толастамайды

  • 124
  • UPD: 12:55, 10.06.2019
Синоптиктер: Алдағы үш күнде де жаңбыр толастамайды hronika.info

Синоптиктер 11-13 маусымға арналған ауа райы болжамын жариялады.

«Қазгидромет» өкілдерінің мәліметі бойынша алдағы үш күнде еліміздің басым бөлігінде найзағай ойнап, өткінші жаңбыр жауады.

«Биіктіктегі барикалық қойнауға байланысты Қазақстанның батыс облыстарынан басқа өңірлерде тоқтаусыз жауын жауды. Сол арқылы Баренц теңізі мен Жайықтың солтүстігінен тропосфералық салқын және ылғал ауа келуде», делінген хабарламада.

Алдағы үш тәулікте республикаға салқын және ылғал ауа келетіндіктен ауа райы қазіргісінен өзгермейді. Бұрынғыдай еліміздің басым бөлігінде құбылмалы ауа райы болады, найзағайлы өткінші жаңбыр, республиканың таулы аймақтары мен тау бөктерлерінде қатты нөсер күтіледі.

Ауа температурасы орташа көпжылдық мәннен 3...5°С төмен сақталады.

Тек батыс және оңтүстік батыста жоғарғы атмосфералық қысымның әсерінен жауын-шашынсыз және ыстық ауа райы күтіледі, күндіз ауа температурасы 30...38°С дейін жоғарылайды.

Хабар 24 телеарнасы