386,66 431,60 5.87
+7 (7172) 757 485 24kz@khabar.kz
ҚАЗ


Еліміздің басым бөлігінде жаңбыр жауып, найзағай күтіледі

  • 181
Еліміздің басым бөлігінде жаңбыр жауып, найзағай күтіледі 52dazhew.com

Атмосфералық фронтальды бөліктердің өтуіне байланысты республиканың басым бөлігінде тұрақсыз ауа райы сақталады, жаңбыр жауады, солтүстікте қатты жаңбыр жауып, найзағай күтіледі.

Кей жерлерде жел күшейеді, шаңды дауыл, дауыл күтіледі, бұршақ жаууы ықтимал, республиканың солтүстігінде түнде және таңертең кей жерлерінде тұман күтіледі, деп хабарлайды kazhydromet.kz.

Павлодар, Солтүстік Қазақстан, Ақмола облыстарының кей жерлерінде дауыл күтіледі, жел 15-20, күндіз екпіні 25 м/с күшейеді, бұршақ жаууы ықтимал, түнде және таңертең Ақмола облысының кей жерлерде тұман күтіледі.

Жамбыл облысында дауыл күтіледі, жел 15-20, екпіні 25 м/с күшейеді, бұршақ жаууы ықтимал, Солтүстік Қазақстан облысының кей жерлерінде дауыл күтіледі.

Шығыс Қазақстан, Қарағанды, Жамбыл облыстарының кей жерлерінде жел 15-20 м/с күшейеді, бұршақ жаууы ықтимал, Қарағанды облысының кей жерлерінде дауыл күтіледі. Түркістан, Алматы, Қызылорда облыстарының кей жерлерінде жел 15-25 м/с күшеюі күтіледі, Түркістан облысының кей жерлерінде дауыл, шаңды дауыл күтіледі.  

Қостанай облысының кей жерлерінде түнде және таңертең тұман күтіледі.

Қызылорда, Түркістан, Жамбыл, Қарағанды, Шығыс Қазақстан, Алматы облыстарында жоғары өрт қаупі сақталады, Ақтөбе облысының кей жерлерінде, Ақмола облысының батысында, Павлодар облысының оңтүстігінде өте жоғары өрт қаупі күтіледі.

Хабар 24 телеарнасы