386,71 427,30 5.98
+7 (7172) 757 485 24kz@khabar.kz
ҚАЗ


Интернет алаяқтың арбауына түспеудің жолы қандай? – полиция кеңес береді

  • 249
  • UPD: 13:13, 19.08.2019
Интернет алаяқтың арбауына түспеудің жолы қандай? – полиция кеңес береді inform.kz

ҚР Ішкі істер министрлігі Facebook-тегі парақшасында интернет алаяқтардың арбауына түсіп қалмаудың жолдарын көрсетті, деп хабарлайды ҚазАқпарат.

Ведомство мәліметінше, алаяқтар арбауына түсіретін құрбандарын негізінен жылжымайтын мүлік пен көлік сату жарнамалары жарияланатын сайттардан іздейді. «Қаскүнемдер пәтер немесе көлік сату сайттарынан құрбандарын таңдап алғаннан кейін оларға телефон арқылы хабарласып, мүлкін сатып алуға және кепіл ақша жіберуге дайын екендіктерін айтады. Алдау арқылы сенімге кіргеннен кейін сатып алушының төлем картасындағы «интернет-банкинг» қызметін қосуды ұсынады және бұл ретте өздерінің телефон нөмірлерін береді. Ал алаяқтың құрбаны болса банк картасы мен онда есепшоттағы барлық ақша қаржатын басқару мүмкіндігін береді», – деді полициядан.

Осыған орай ішкі істер департаменті азаматтарға барынша сақ болуға және карта есепшоттарының жеке мәліметтері мен пин-кодтарын ешкімге бермеуге, банк картасы арқылы жүзеге асырмаған операцияларды растамауға, анонимді төлем жүйесі арқылы белгісіз адамдарға ақша аудармауға, компьютерде немесе ұялы телефонда күдікті бағдарламалар мен қосымшаларды пайдаланбауға кеңес береді.

«Егер Сіз алаяқтардың құрбаны болсаңыз, онда шотыңыздағы қаражатыңызды сақтап қалу үшін ең алдымен өз банкіңіздің байланыс орталығына жүгінуіңіз қажет. Сонымен қатар қалалық полиция департаментіне жүгініңіз», – деп атап өтеді департаменттен.

Хабар 24 телеарнасы