384,77 427,95 6.05
+7 (7172) 757 485 24kz@khabar.kz
ҚАЗ


Тұрғын үйге толық құжатын тапсырмағандар өтінімін түзете алады

  • 191
  • UPD: 10:44, 26.11.2019
Тұрғын үйге толық құжатын тапсырмағандар өтінімін түзете алады Елорда Инфо

Жұмыс істейтін жастарға арналған сатып алу құқығынсыз жалға берілетін тұрғын үй бағдарламасына толық емес құжаттар пакетін тапсырған азаматтардың өтінімін түзетуге мүмкіндік беріледі, деп хабарлайды Елорда Инфо «Тұрғын үй қоры» КММ сілтеме жасап.

«27 қарашада сағат 00:00-ден 23:59-ға дейін «Жұмыс істейтін жастарға арналған сатып алу құқығынсыз жалға берілетін тұрғын үй» бағдарламасына қатысуға құжаттар тапсырған азаматтар үшін бұрын толық емес құжаттар пакетін жібергендер болса, өз өтініміңізді түзетуге мүмкіндік беріледі», – делінген «Тұрғын үй қоры» КММ хабарламасында.

Бүгінгі таңда 6304 өтінімнің 2157-сі құжаттар пакетін толық ұсынбау себебінен пысықтауға жіберілді. Сізге Smart-Astana порталында тіркелу кезінде көрсеткен телефон нөміріне Сіздің өтініміңіздің мәртебесі туралы смс-хабарлама жіберіледі:

1) «Жұмысқа қабылданды»;

2) «Түзету қажет»;

3) «Қараудан бас тартылды».

Егер Сіздің өтініміңіз түзетуге жіберілсе, бірақ сіз осы уақыт ішінде тізбе бойынша жетіспейтін құжатты қоса бермесеңіз, құжаттардың толық емес пакетін ұсыну себебі бойынша Сіздің өтініміңіз автоматты түрде қабылданбайды.

«Құжаттарды баяндау қажеттігі туралы смс-хабарлама жіберілгендер үшін осы жылдың 26 қарашасынан бастап сағат 10:00-ден 23:59-ға дейін қоса берілетін құжаттардың жетіспейтін тізбесімен танысу үшін Smart Astana порталындағы жеке кабинетке кіру және 27 қараша күні сағат 00:00-ден 23:59-ға дейін өтінімді түзету мүмкіндігі беріледі», – делінген ақпаратта.

Егер сізге өтініміңіз жұмысқа қабылданғандығы туралы смс-хабарлама жіберілсе, бірақ сіз қосымша құжаттарды қоса бергіңіз келсе, өтініміңізді түзету мүмкіндігі беріледі. Бағдарлама талаптарына сәйкес келмеуіне байланысты «Қараудан бас тартылды» смс-хабарлама алғандар порталдан бас тарту себебімен Жеке кабинетінде таныса алады, бірақ өтінімді түзете алмайды.

Түзету үшін мына сілтеме бойынша Smart Astana порталындағы жеке кабинетіңізге кіру керек.

Түзету кезінде өтінім берілген күн өзгермейді.

«Нұрлы жер» тұрғын үй бағдарламасының бес негізгі бағыты аталды.

Жастарға арналған баспананы алу үшін қандай құжаттар қажет екендігін хабарлағанбыз.

Қазақстанда қолжетімді баспананы қалай алуға болады.

Шымкентте мемлекет есебінен жастарға мыңға тарта жалдамалы пәтер беріледі.

Хабар 24 телеарнасы