376,51 420,09 6.12
+7 (7172) 757 485 24kz@khabar.kz
ҚАЗ


Алматыда мереке күндері азық-түлік арзан бағамен сатылады

  • 187
  • UPD: 18:44, 14.12.2019
Алматыда мереке күндері азық-түлік арзан бағамен сатылады

Алдағы мереке күндері қарсаңында алматылықтар ет пен көкөністі төмен бағада сатып ала алады, деп хабарлайды ҚазАқпарат.

Төмен бағадағы азық-түлік өнімдері демалыс күндері өтетін жәрмеңкелер мен қаладағы әлеуметтік кәсіпкерлік корпорациясының 8 азық-түлік орталығында сатылады.

«Белгіленген құн бойынша әлеуметтік маңызы бар азық-түлік тауарларының 6 түрі ұсынылған: тауық еті, сиыр еті, картоп, пияз, сәбіз және қырыққабат. Аталған өнім нарықтағы орташа бағадан 15-40%-ға арзан» делінген әкімдік хабарламасында. Сонымен қатар сауда сөрелерінде жылыжайда өсірілген қызанақ пен қияр да болады.

«Жыл соңына дейін өнімді төмендетілген бағамен сататын павильондар саны 22-ге дейін артады. Оған қосымша ауыл шаруашылығы тауарларын өндірушілер мен өңірлердің құс фабрикалары, сондай-ақ қаланың жылыжай кешені тартылды»,-деп қосты әкімдік.

Демалыс күндері өтетін жәрмеңкелердің мекен-жайы:

1. Алмалы ауданы, Гоголь-Масанчи к-сі қиылысы;

2. Бостандық ауданы, «Қазақфильм», Жароков көшесі-әл-Фараби даңғылынан жоғары;

3. Әуезов ауданы, Абай - Өтеген батыр к-сі қиылысы;

4. Жетісу ауданы, «Құлагер», Серіков пен Қазыбаев көшесі.

Жұмыс уақыты: 8.00-19.00

Азық-түлік павильондарының мекенжайы:

1. Төле би-Саин көшесі;

2. Шаляпин-Алтынсарин көшесі;

3. Абай-Алтынсарин даңғылы;

4. Мыңбаев көшесі-6 желі;

5. Абай-Момышұлы даңғылы;

6. Абай даңғылы-Саин;

7. Төле би-Фуркат көшесі;

8. «Құлагер» ықшам ауданы.

Жұмыс уақыты: 9.00-21.00

Хабар 24 телеарнасы