432,64 506,00 5.46
+7 (7172) 757 485 24kz@khabar.kz
ҚАЗ

Үй кезегіндегілерге жалға берілетін баспана балаларына қалдырылады – Көлгінов

  • 543
  • UPD: 23:53, 15.02.2020
Үй кезегіндегілерге жалға берілетін баспана балаларына қалдырылады – Көлгінов

Елорда әкімі Алтай Көлгінов азаматтарды қабылдады, деп хабарлайды қала әкімдігінің ресми сайты.

Тұрғындар тұрғын үй бағдарламаларына қатысу, медициналық көмек пен атаулы әлеуметтік көмек алу, жұмысқа орналасу және т. б. мәселелерді көтерді. Елорда әкімі Алтай Көлгінов жалға берілетін тұрғын үйді бес жылдан кейін қайтару қажет емес екендігін айтты.

«Қолжетімді баспана - біз үшін басым бағыттардың бірі. Мемлекет басшысының тапсырмасына сәйкес биыл қолжетімді тұрғын үй құрылысының көлемін үш есе ұлғайтамыз. Өткен жылы 2900 тұрғын пәтер алды. Жалға берілетін тұрғын үй туралы айтатын болсақ, үйді бес жылдан кейін босатудың қажеті жоқ.Үй сіздің балаларыңызға қалады. Тек 5 жыл өткен соң шартты ұзарту қажет. Ал жұмыс істейтін жастарға арналған жалға берілетін баспанаға келсек, бұл үйлер 5 жыл мерзімге беріледі. Осы уақыт ішінде жұмыс істеп жатқан жастар аяққа тұрып, басқа тұрғын үй бағдарламаларына қатысып не тұрғын үй сатып алу үшін тәжірибе мен қаражат жинай алады», - деді Алтай Көлгінов.

Елорда әкімі 3 күн бойы есептік кездесуге келген қала тұрғындарын жеке қабылдады. Сұрақтардың бір бөлігі сол жерде шешілсе, қалғандары жұмысқа алынды.

Хабар 24 телеарнасы