447,60 487,00 5.70
+7 (7172) 757 485 24kz@khabar.kz
ҚАЗ


Прокуратура органдарында азаматтарды қабылдау уақытша тоқтатылды

  • 126
  • UPD: 16:15, 17.03.2020
Прокуратура органдарында азаматтарды қабылдау уақытша тоқтатылды Спутник Қазақстан

Бас прокуратура коронавирустің таралу қаупін төмендету мақсатында 2020 жылдың 16 наурызынан бастап прокуратура органдарында, соның ішінде құқық қорғау қызметтері орталықтарында, азаматтарды жеке қабылдаудың уақытша тоқтатылатынын хабарлайды.

Бұл ретте қабылдауға бұрын жазылып қойған азаматтардың кезегі сақталады және қабылдау басталған соң олар жаңа кесте туралы қосымша хабардар етілетін болады.

 Сонымен қатар өтініштерді «e-gov» электрондық үкімет порталы, «Қазпошта» АҚ қызметі, сондай-ақ прокуратура ғимараттарында орналасқан өтініштерді қабылдауға арналған жәшіктер арқылы жөнелту мүмкіндігі сақталады.

Прокуратура органдарында өтініштердің қаралу мәселелері туралы прокуратураның тегін 115 Call-орталығына және өңірлік прокуратураларға хабарласуға болады.   

Мұның алдында елорда қалалық соты да талап арыздарды қабылдауды тоқтатқанын хабарлағанбыз. 

Қазақстан Президенті Қ.Тоқаев елде төтенше жағдай жариялады. Осыдан соң Мемлекет басшысы телевизиялық үндеу жасады.

Қазақстанда коронавирус жұқтырғандар саны 27 адамға жетті.

Хабар 24 телеарнасы