432,64 506,00 5.46
+7 (7172) 757 485 24kz@khabar.kz
ҚАЗ


Қазгидромет тоғыз өңірде ауа райы туралы ескерту жариялады

  • 349
  • UPD: 10:39, 18.05.2020
Қазгидромет тоғыз өңірде ауа райы туралы ескерту жариялады

«Қазгидромет» РМК мәліметтері бойынша еліміздің 9 өңірінде дабылды ескерту жарияланды.

Жауын-шашын болжамына байланысты Түркістан, Алматы облыстарының таулы аудандарында және Алматы қаласына іргелес аумақтарда беткейлік ағынның қалыптасуы және өзендердегі судың деңгейі көтерілуі күтілуде.  

18 мамырда Ақмола облысында кей жерлерде найзағай, бұршақ жауады деп күтілуде. Желдің екпіні секундына 15-20 метр.

18 мамырда Шымкент қаласындақатты жаңбыр,найзағай, дауыл, бұршақ, найзағай кезіндегі желдің екпіні секундына 15-20 метр.

18 мамырда Қостанай облысында кей жерлерде қатты жаңбыр, найзағай, бұршақ,тұман, желдің екпіні секундына 15-20 метр.

Қызылорда облысында жаңбыр, кей жерлерде найзағай,желдің екпіні секундына 15-20 метр, кей жерлерде секундына 23 метр.

Маңғыстау облысында кей жерлерде тұман, найзағай, желдің екпіні секундына 15-20 метр.

Солтүстік Қазақстан облысында кей жерлерде найзағай,дауыл,бұршақ, тұман, желдің екпіні секундына 15-20 метр.

18 мамырда Түркістан облысында тауда кей жерлерде қатты жаңбыр, найзағай, дауыл, бұршақ жауады деп күтілуде. Желдің екпіні секундына 15-20 метр, кей жерлерде секундына 23 метр.

Төтенше жағдайлар комитеті азаматтарды ауа райының өзгерістерін бақылауға шақырады. Дауылды ескерту туралы хабарламаларды тыңдап, қажетті сақтық шараларын сақтаңыздар.

Дауылды ескертулерде желдің екпіні қатты, секундына 15-20 және тіпті секундына 30 метрге жетеді, әр түрлі елді мекендерде қауіпсіздік техникасы бойынша негізгі ережелерді ұстануды ұсынамыз. Шағын қалалар мен мегаполистер жағдайында дауыл мен дауыл кезінде де адам зардап шегуі мүмкін.

Терезелер! Қатты дауыл кезінде үйдегі немесе пәтердегі барлық терезелер тығыз жабылуы тиіс.

Балкондар! Әйнектелмеген балкондар мен лоджиялардан қатты жел кезінде сыртқа түсуі мүмкін барлық заттарды (құмыралар, банкалар, жәшіктер, шөлмектер және т.б.) алып тастау керек. Әйнектелмеген балкондардан дауыл кезіндегі рамалармен бірге ескі терезелер ұшып кеткен жағдайлар болды.

Көшеде! Көшеде дауыл тұрған кезде өзіңізді жарнама қалқандарынан (және басқа да аспалы құрылымдардан), автобус аялдамаларынан, электр беру желілерінен, сондай-ақ ағаштардан мүмкіндігінше алыс ұстаңыз. Айналаңызға қараңыз, өзіңізді жан-жағыңыздағы адамның басына құлап кетуі мүмкін заттардан  алшақ ұстаңыз. Құлауы мүмкін үзілген сымдар мен сырғитын заттарға (ағаштарға) жақындауға болмайды.

Паналау! Қатты жел болған жағдайда жақын маңдағы ғимаратта немесе табиғи панада ол аяқталғанға дейін жасырыну қажет.

Үлкен ағаштар! Үлкен ағаштардың астында қалмауын, әсіресе терекке қатысты және олардың астына автокөлік қоюға болмайды, өйткені ағаш құлаған кезде қауіпті болуы мүмкін, оның бұтақтары құлауы немесе сынуы мүмкін. Шіріген және ескі, сондай-ақ жалғыз тұрған ағаштар өте қауіпті.

Үйде қалыңыздар, өзіңізді және жақындарыңызды қорғаңыздар. 

ҚР ІІМ ТЖК баспасөз қызметі

Хабар 24 телеарнасы