412,24 465,50 5.83
+7 (7172) 757 485 24kz@khabar.kz
ҚАЗ


Қазақстанның кей өңірінде күн 41 градусқа дейін ысиды

  • 213
  • UPD: 16:37, 30.05.2020
Қазақстанның кей өңірінде күн 41 градусқа дейін ысиды

Ауа райының қолайсыздығына байланысты бірқатар өңірде ескерту жарияланды.

Атап айтқанда, күндіз 31 мамырда Түркістан облысында шығыстан соғатын желдің күші 15-20 м/с жетуі ықтимал. 40 градусқа дейінгі қатты ыстық күтіледі.

31 мамыр күні түнде Батыс Қазақстан облысының кей жерінде найзағай ойнайды. Солтүстік батыстан жел соғып, күндіз оның екпіні 15-20 м/с дейін күшейеді.

31 мамырда күндіз Ақмола облысында оңтүстіктен, оңтүстік-батыстан жел тұрады. Кей аймақта жылдамдығы 15-20 м/с жетуі мүмкін.

31 мамырда Нұр-Сұлтан қаласында күндіз оңтүстіктен және оңтүстік-батыстан соғатын желдің күші 15-18 м/с жетуі ықтимал.

31 мамыр – 2 маусым аралығында Қостанай облысында күн 35-38 градусқа дейін ысиды.

31 мамырда күндіз Қызылорда облысында 41 градус ыстық болады. Солтүстік- шығыстан соғатын желдің екпіні 15-20 м/с. 31 мамыр – 2 маусым аралығында Қарағанды облысының кей жерінде 35-39 градус ыстық күтіледі.

Ақпарат көзі: «Қазгидромет» РМК

Хабар 24 телеарнасы