426,19 497,47 5.54
+7 (7172) 757 485 24kz@khabar.kz
ҚАЗ


Демалыс күндері елордада БҚО және Жамбыл облыстарының жәрмеңкесі өтеді

  • 214
  • UPD: 15:22, 10.09.2020
Демалыс күндері елордада БҚО және Жамбыл облыстарының жәрмеңкесі өтеді

БҚО және Жамбыл облыстарының фермерлері елордадағы жәрмеңкеге 405 тонна өнім әкеледі.

Ұйымдастырушылардың айтуынша, баға нарықтағыдан 15-20% төмен болады, деп хабарлайды әкімдіктің ресми сайты.

12-13 қыркүйекте «Хан-Шатыр» сауда ойын-сауық орталығының жанындағы алаңда Батыс Қазақстан және Жамбыл облыстары шаруаларының жәрмеңкесі өтеді. Екі облыстың фермерлері елордаға 400 тоннадан астам өнім әкеледі.

Елорда тұрғындары мен қонақтарына 204 тонна көкөніс, 92,8 тонна ет, 30 тонна шұжық, 12,5 тонна сүт өнімдері, 55 мың дана жұмыртқа, 21,5 тонна ұн және макарон өнімдері, 6 тонна кондитерлік өнімдер, 5 тонна қант, 2,5 тонна бал, 1,5 тонна кептірілген жемістер және т.б. әкелінеді.

Бағалар нарықтағыдан 15-20% төмен болады. Мысалы, сиыр етін 1700 теңге/кг, қой етін 1900 теңге/кг, жылқы етін 2000 теңге/кг сатып алуға болады.

Барлығы 445 миллион теңгенің 405 тонна өнімін сату жоспарланған.

Жәрмеңкеге келушілер қатаң санитарлық-гигиеналық талаптарды сақтап, маска тағып, арақашықтық сақтауы және міндетті түрде антисептик қолдануы керек.

Хабар 24 телеарнасы