422.87 509.00 5.60
+7 (7172) 757 485 24kz@khabar.kz
ҚАЗ

Елордада жеке сектор тұрғындары көмірді қайдан сатып ала алады

  • 79
  • UPD: 13:06, 09.11.2020
Елордада жеке сектор тұрғындары көмірді қайдан сатып ала алады gazeti

Нұр-Сұлтан отын-энергетика кешені және коммуналдық шаруашылығы басқармасы мәліметіне сәйкес, қаланың сауда орындарында 7355 тонна қатты отын сатылады.

Елордалықтар көмірді мына мекенжайлардан сатып ала алады: Герцен, 4/1, көш, 40-шы ст.; Герцен, 6 б; Герцен, 6/2; Көктал, 28/1; Көктал, 28/2; Жұбанов, 35; Литейная, 44; Дулатов, 182/1, Бетон орталығы; Жабаев, 68; 40-шы ст.

Бағасы орташа есеппен, көмір түріне байланысты және жеткізілімді қоспағанда, 8 800-ден 14 500-ге дейін өзгереді. Сонымен, бір тонна Шұбаркөл көмірінің құны 12 700-ден 14 500-ге дейін, «Қаражыра» 12 700, «Майкүбі» – 11 200-ден 14 000, «Богатырь» – 8 800 теңгені құрайды.

Тұйықтағы қатты отын бағасы, түрлері мен мөлшері туралы толық ақпаратты 109 сенім телефоны арқылы алуға болады, деп хабарлайды елорда әкімдігі.

Басқарма мәліметтері бойынша, елордада қыста орта есеппен 500 мың тонна көмір тұтынылады. Бұған дейін Төтенше жағдайлар департаменті жеке сектор тұрғындарын жылыту пештерін пайдалану кезінде қауіпсіздік техникасын сақтауға шақырған болатын.

Естеріңізге сала кетейік, қала тұрғын аудандарда кварталішілік газбен жабдықтау желілерін салу жұмыстары жалғасуда. Мысалы, Железнодорожный тұрғын алабында газды тарату желілері арқылы іске қосу толық қамтамасыз етілген. Тұтынушыларды қосу үшін қажетті шаралар қабылдануда.

Көктал-2 және Промышленный тұрғын аудандарында кварталішілік газбен жабдықтау желілерінің құрылысы бойынша жұмыстар аяқталды – газ жеткізу құбыры арқылы іске қосылды. Ішкі желілерде пайдалануға беру жұмыстары жүргізілуде.

Көктал-1 тұрғын алабының газ тарату желілерінің 90 пайызы тартылды. Бұл жұмыстар Агроқалашық, Юго-Восток тұрғын алабында да жүзеге асырылады.

Биыл ЖЭО-1 және ЖЭО-2 қазандықтары да газға ауыстырылды. Газдандыру процесі үш кезеңге бөлінеді, барлық тұрғын аудандар кезең-кезеңімен қосылады. Газдандыру қоршаған ортаны жақсартуға ғана емес, тұрғындардың денсаулығына да пайдалы әсер етеді, сонымен қатар жеке сектор тұрғындарының өмір сүру жағдайларын айтарлықтай жеңілдетеді.

Естеріңізге сала кетейік, бүгіннен бастап «Парасат» бизнес орталығында (Республика даңғылы, 24) «ҚазТрансГаз Аймақ» АҚ жаңа қызмет көрсету орталығы жұмыс істейді. Онда газбен жабдықтауға техникалық сипаттамаларды алуға, тұтынушыларды қосуға арналған өтініштер қалдыруға болады. Көктал-1, 2, Железнодорожный, Промышленный тұрғын аудандарының және Агроқалашық тұрғын алабының бір бөлігі тұрғындары осы орталыққа жүгіне алады.

Хабар 24 телеарнасы