418,41 511.30 5.70
+7 (7172) 757 485 24kz@khabar.kz
ҚАЗ

Қаңтар айында ауа райы қандай болады – Қазгидромет

  • 409
  • UPD: 17:11, 25.12.2020
Қаңтар айында ауа райы қандай болады – Қазгидромет

«Қазгидромет» Қазақстан бойынша 2021 жылғы қаңтар айына арналған консультативтік ауа райы болжамын жариялады.

«Қаңтар – жыл iшiндегi ең суық ай. Ұзақ мерзімді мәліметтерге сәйкес Сібір аймақтарынан арктикалық ауаның таралу кезінде абсолюттік минималды температураның төмендеуі -48-54 °C дейін болуы мүмкін (мысалы, 1893 жылы 5 қаңтарда еліміздің астанасында -51,6°C тіркелген). Ал оңтүстік облыстарда 30-43 °C дейін (1969 жылы 29 қаңтарында Алматы М -30,1 °C) байқалды.

Ауаның максималды температурасы кейбір жылдары +3+9°С дейін жоғарылаған (1948 жылы 9 қаңтарда еліміздің астанасында +5,0°С, 2015 жылғы 08 қаңтарда +3,8°С болды), Қазақстанның оңтүстік бөлігінде +15+22°С дейін жоғарылаған (1940 жылы 5 қаңтарда Алматы М +16,8°С, Шымкент М абсолюттік максимумның тіркелген күні 2002 жылы 4 қаңтарда +22,2°С болды)», - делінген хабарламада.

Қаңтарда жауын-шашынның мөлшерi республика бойынша таралуы бiркелкi емес, Қазақстанның көптеген бөлiгiнде жауын-шашын 10-нан 30 мм дейiн, оңтүстік, оңтүстік-шығыс және шығыс аймақтардың таулы аудандарында көбірек жауады, 40-82 мм құрайды. 1969 жылы Чуулдак М 214 мм байқалды, ал еліміздің астанасында рекорд 1928 жылы орнатылды және 110 мм жауады.

Консультативтік болжамға сәйкес 2021 жылы қаңтарда республиканың басым бөлігінде ауа температурасы норма шамасында болжануда, Қазақстанның шығыс жартысында 1°C мөлшерден төмен күтіледі.

Республиканың басым бөлігінде жауын-шашын мөлшері климаттық норма шамасында, республиканың қиыр батысында нормадан көп, солтүстік-батыста, орталықта, Қазақстанның солтүстік мен оңтүстіктің кей жерлерде нормадан аз болжанады.

«Қаңтардың бірінші және үшінші онкүндіктерде бірнеше суық толқындар күтіледі. Ауа температурасының едәуір төмендеуін қаңтардың екінші жартысында болжанады. Ауа температурасы солтүстік, орталық және шығыс аймақтарда түнде -25-35 °С дейін, кей жерлерде -39 °С дейін, күндіз -20-27 °С дейін, республиканың батысында түнде -20-27 °С дейін, күндіз -10-20 °С дейін, ал оңтүстік және оңтүстік-шығыс аймақтарда түнде -15-25 °С дейін, жерлерде -30 °С, күндіз -7-15 °С дейін төмендейді», - деді «Қазгидромет».

Сондай-ақ бір айға арналған болжамды консультативтік болжам ретінде пайдалану керек екенін, ол кейіннен онкүндікке арналған ауа райы болжамдарымен нақтыланатынын ескертті.

Хабар 24 телеарнасы