Жеті облыста ауа райына байланысты ескерту жарияланды

«Қазгидромет» мамандары жеті облыста ескерту жариялап, тұрғындарды сақ болуға шақырды.

Солтүстікте сарышұнақ аяз сақталады. Павлодар өңірінде сынап бағанасы 40 градусқа дейін төмендесе, Алматы облысының солтүстік бөлігінде 30 градусқа дейін суытады. Ал Түркістан және батыс Қазақстан облыстарында бұрқасын болады. Маңғыстау, Қызылорда мен Жамбыл өңірінде қою тұман түседі.