429,33 519.25 5.73
+7 (7172) 757 485 24kz@khabar.kz
ҚАЗ

Бірнеше қаладағы ХҚО тұрғындарды тек алдын ала жазылу арқылы қабылдайды

  • 280
  • UPD: 17:21, 20.01.2021
Бірнеше қаладағы ХҚО тұрғындарды тек алдын ала жазылу арқылы қабылдайды

Азаматтардың көптеп жиналуын және вирусты жұқтыру қаупін болдырмау мақсатында кейбір өңірлердегі ХҚО-лар азаматтарды қатаң түрде тек алдын жасалған брон негізінде қабылдайды.

Эпидемиологиялық жағдайдың нашарлауына байланысты өңірлердің бас санитарлық дәрігерлері Нұр-Сұлтан, Атырау, Қостанай, Рудный, Тобыл, Талдықорған, Шымкент, Қарағанды, Жезқазған, Теміртау, Өскемен және Семей қалаларының ХҚО-ларының жұмысы бойынша арнайы шешім шығарды. Енді келушілерді қабылдау тек алдын ала жазылу арқылы жүзеге асырылады. Айта кетейік, бұл өзгерістер ауылдық жерлер мен аудан орталықтарының ХҚО-ларының жұмысына еш әсер етпейді.

ХҚО ғимаратында қатаң түрде бетперде тағу тәртібін сақтау қажет. Арақашықтықты сақтау үшін арасы 1,5-2 метр болатын белгілер сызылған. Әрбір ХҚО-да санитайзерлер бар.

Брондауға өтінім қалдыру үшін азаматтар egov.kz электрондық үкімет порталын, eGovKzBot2.0. телеграм-ботын пайдалана алады немесе 1414 қысқа нөміріне қоңырау шала алады. Брондау рәсімінен кейін азаматқа ХҚО-ға бару уақыты туралы смс-хабарлама жолданады.

«Біздің әріптестеріміз фронт-офистерде қызмет алушылармен тікелей байланыста. Біз келушілер мен қызметкерлердің қауіпсіздігін барынша қамтамасыз етуге тырысамыз. Сондықтан қызмет алушыларға қандайда ауру белгілері байқалса, ХҚО-ға барудан бас тартуға кеңес береміз», – дейді мемлекеттік корпорацияның төрағасы Әділ Кожихов.

Хабар 24 телеарнасы