419,66 501.30 5.64
+7 (7172) 757 485 24kz@khabar.kz
ҚАЗ

Үлкен және Кіші Алматы су бассейндерінде қар көшкіні жүруі мүмкін

  • 114
  • UPD: 09:58, 03.02.2021
Үлкен және Кіші Алматы су бассейндерінде қар көшкіні жүруі мүмкін

Үлкен және Кіші Алматы су бассейндерінде бүгін қар көшкіні жүруі мүмкін, деп хабарлайды «Хабар 24».

Осыған байланысты синоптиктер абай болу керектігін ескертеді. Әсіресе, қарлы, тік жартастарға шықпау қажет. Өйткені таудағы қар жамылғысы қазір тұрақсыз. Оның үстіне бүгін еліміздің бірқатар аймағында қар аралас жаңбыр жауады. Атап айтқанда, Қостанай мен Шығыс Қазақстан облыстарында осындай жағдай байқалып, арты көктайғаққа айналады. Жолдағы қозғалыс қиындауы мүмкін. Түркістан, Маңғыстау, Атырау және Батыс Қазақстан облыстарында қалың тұман болады. Жел екпіні күшейеді. Ақмола мен Қарағанды аймақтарында оның жылдамдығы секундына 20 метрге дейін жетеді.

Хабар 24 телеарнасы