USD 446.33
EUR 485.56
RUB 5.04
2020 жылдың көлік салығын төлеу мерзімі жақындап қалды. Барлық лайфхактарды пайдаланып, салықты өздігінен есептеу үшін нені білген маңызды?
Мемлекеттік кірістер комитеті автокөлік иелері үшін көлік салығын төлеуге қатысты ТОП-10 сұрақтың жауабын дайындады. Бұл сұрақтар ҚР ҚМ МКК-нің Байланыс орталығына өте жиі келіп түседі екен.
«2020 жылы комитеттің Байланыс орталығымен салық төлеушілердің 670 мыңнан астам өтініші қаралып, оның 91%-і операторлардың жауабын «өте жақсы» деп бағалаған», – деп толықтырды МКК баспасөз қызметінде.
№1 сұрақ
– Салық қарыздарын қайдан көруге болады?
Жауап:
Қазақстан Республикасы Қаржы министрлігі Мемлекеттік кірістер комитетінің kgd.gov.kz порталының «Электрондық қызметтер» бөлімінде салық берешегінің болмауы (болуы) туралы ақпаратты көруге болады және E-SalyqAzamat мобильді қосымшасында (AppStore және PlayMarket жүктеу).
№2 сұрақ
Мен жеке адаммын, 2020 жылға көлік салығын қашанға дейін төлеуім керек?
Жауап:
2021 жылдың 1 сәуірінен кешіктірмей.
№3 сұрақ
Өзім көлік салығын қалай есептей аламын?
Жауап:
Сіз Қазақстан Республикасы Қаржы министрлігі Мемлекеттік кірістер комитетінің kgd.gov.kz порталында «Электрондық қызметтер» бөлімінде орналастырылған «Калькулятор» қызметін және E-SalyqAzamat қызметін пайдаланып көлік салығын есептей аласыз. мобильді қосымша (AppStore және PlayMarket-те жүктеңіз).
№4 сұрақ
Менде қазір көлік жоқ және болған емес, бірақ көлік салығы есептеліпті, қайда баруым керек?
Жауап:
Көлікке салынатын салық уәкілетті мемлекеттік органның ақпараты негізінде есептеледі.
Автокөлік болмаған жағдайда, тұрғылықты жері бойынша Мемлекеттік кірістер департаментіне меншік құқығында көлік құралының жоқтығы туралы уәкілетті мемлекеттік органнан анықтама ұсыну қажет.
№5 сұрақ
Көлік салығын төлеу үшін қандай реквизиттер қажет?
Жауап:
Көлік салығының реквизиттері:
БСК коды – 104402, СТК коды -911;
пайыздық мәліметтер: СТК коды - 912.
№6 сұрақ
Жеке тұлғаға көлік салығын қайда төлеу қажет?
Жауап:
Көлік салығы жеке тұлғаның тұрғылықты жері бойынша төленеді.
№7 сұрақ
Менде бірнеше жылдан бері бір көлік бар, бірақ салық мөлшері жыл сайын артып келеді, себебі неде?
Жауап:
Салық ставкасы АЕК мөлшеріне және көлік құралының қозғалтқышының сыйымдылығына байланысты, сәйкесінше жыл сайын АЕК өсуімен бірге салық сомасы өседі.
№8 сұрақ
Егер мүгедектің жеке меншігінде қозғалтқыш сыйымдылығы
4000 текше см.-ге дейінгі автокөлігі болса, ол көлік салығынан босатылады ма?
Жауап:
Көлік құралдарына салықтан босату тек бір ғана көлік құралы үшін қарастырылған. Бұл ретте, олар қозғалтқышының сыйымдылығы 4000 текше сантиметрден жоғары жеңіл автокөліктер бойынша көлік салығынан босатылмайды.
Егер де қозғалтқышының сыйымдылығы 4000 текше сантиметрден жоғары жеңіл автокөлік 2013 жылдың 31 желтоқсанына дейін уәкілетті мемлекеттік органда тіркелсе және сол тіркелген уақыттан бастап көлік құралының иесі өзгемесе, онда көлік құралының иесі салық төлеуден босатылады.
№9 сұрақ
Неліктен ұрланған көлік үшін маған көлік салығы есептелген?
Жауап:
Көлік құралын ұрлау бойынша қылмыстық іс қозғау фактісін растайтын ақпарат ұрланған көлікке салынған салықтан босатуға негіз болып табылады.
Көлік құралын ұрлау туралы қылмыстық іс қозғалған күннен бастап салықты есептеу тоқтатылады, және қылмыстық іс тоқтатылған немесе кері қайтарылған күннен бастап салық қайта есептеледі. Осылайша, егер уәкілетті мемлекеттік органда көлік құралын ұрлау туралы қылмыстық іс қозғалмаса, салық органының көлік салығын есептеуді тоқтатуға еш негізі жоқ.
№10 сұрақ
2020 жылға арналған көлік салығын есептеу үшін қандай айлық есептік көрсеткіш қолданылады?
Жауап:
Көлік салығын есептеу үшін тиісті қаржы жылының 1 қаңтарындағы жағдай бойынша айлық есептік көрсеткіш (АЕК) қолданылады, яғни 2020 жылға 2 651 теңге мөлшеріндегі АЕК қолданылады.
Сондай-ақ Мемлекеттік кірістер комитетінде 1414 нөміріне қоңырау шалып, қосымша нөмірі 4-ті басып, Байланыс орталығына хабарласуға болатынын еске салды.
