Еліміздің оңтүстігінде қар аралас жаңбыр жауады

Әсіресе, Түркістан мен Жамбыл облыстарында жауын-шашын салдарынан су деңгейі көтерілуі мүмкін дейді синоптиктер.

Осыған байланысты дауылды ескерту жарияланды. Ал Қызылорда облысын тұман басады Кей жерлерде көктайғақ болып, жолдағы қозғалыс қиындауы мүмкін. Қарағанды, Ақмола мен Солтүсік Қазақстан облыстарында жел күшейеді. Кей жерлерде оның жылдамдығы секундына 20 метрге дейін жетеді. Ал Батыс Қазақстан облысында тұман, бұрқасын, көктайғақ болады деп болжанып отыр. Дәл осындай жағдай Атырау мен Маңғыстау аймақтарында да байқалады.