Еліміздің біраз бөлігінде жел күшейіп, көктайғақ болады

Осыған байланысты 8 өңірде дауылды ескерту жарияланды, деп хабарлайды «Хабар 24».

Әсіресе, Түркістан, Қызылорда және Жамбыл облыстарында желдің жылдамдығы секундына 20 метрге дейін жетеді. Тұман болады. Жолдағы қозғалыс қиындауы мүмкін. Дәл осындай жағдай Атырау мен Ақтөбеден де байқалады. Батыс Қазақстан облысында желдің екпіні 15-20 метрді көрсетеді. Қарағанды облысында да жел күшейп, тұман болады. Ал еліміздің бас қаласында сынап бағанасы бүгін минус 18 градусқа дейін төмендейді.