Қатты аяз, жел, көктайғақ. Еліміздің 11 облысында ескерту жарияланды

Қазақстанның бірқатар өңірінде қатты аязға байланысты ескерту жарияланды.

Бұл туралы «Қазгидромет» РМК орталығына сілтеме жасап.

13 наурызда Қостанай облысының кей жерлерінде тұман түседі.

Қызылорда облысының кей жерлерінде көктайғақ, бұрқасын болады. Солтүстік-шығыстан жел түнде секундына 15-20 метр, күндіз 15-20 метр, кей жерлерде секундына 23-28 метр жылдамдықпен соғады.

Қызылордада 13 наурызда солтүстік-шығыстан секундына 15-20 метр жел соғады.

Маңғыстау облысының кей жерлерінде көктайғақ болады.

13-14 наурызда Жамбыл облысының кей жерлерінде қатты жауын-шашын (жаңбыр, қар) күтіледі. 13-15 наурызда кей жерлерде тұман, көктайғақ, бұрқасын болады. 13-15 наурызда кей жерлерде солтүстік-шығыстан соққан жел оңтүстік-батысқа ауысып, секундына 15-20 метр, 13-14 наурызда екпіні секундына 23-28 метр болады.

Таразда 13 наурызда күндіз қатты жауын-шашын (жаңбыр, қар) болады. 13-15 наурызда тұман, көктайғақ күтіледі. 13-14 наурызда оңтүстік-батыстан секундына 15-20 метр, кейде секундына 23 метр жел соғады.

13 наурызда Солтүстік Қазақстан облысында ауа температурасы 13-16-дан 25-30 градусқа дейін төмендейді, кей жерлерде 22 градус аяз болады.

12-14 наурыз аралығында Шығыс Қазақстан облысының кей жерлерінде бұрқасын, тұман болады. Жел оңтүстік-батыстан солтүстік-шығыс желіне ауысады, кей жерлерде жылдамдығы секундына 15-20 метр, екпіні секундына 23-28 метр болады. Ауа температурасының күрт төмендейді, минус 2-7-ге дейін, кей жерлерде 10-нан 20-25 градус аязға дейін, кей жерлерде 30, облыстың оңтүстігінде 15 градус аяз болады. 13 наурызда қар көп жауады.

13-14 наурызда Түркістан облысының кей жерлерінде қатты жауын-шашын (жаңбыр, қар), тұман, көктайғақ болады. Оңтүстік-батыстан соққан желдің екпіні 13-14 наурызда кей жерлерде секундына 15-20 метр болады, екпіні секундына 23-28 метрге жетеді. 13 наурыза күндіз ауа температурасы 16-21, кей жерлерде 6-11 градус, 3-8 градус жылы, кей жерлерде 0-5 градус аяз болады.

Қарағанды облысының кей жерлерінде бұрқасын болады. 13 наурызда оңтүстік-батыстан жел соғады, кей жерлерде екпіні секундына 15-20 метр болады. 11-13 наурыз аралығында ауа температурасының күрт төмендейді, 7-12 градустан, кей жерлерде 16 градустан 22-27 градус аязға дейін, кей жерлерде 30 градус аяз болады.

Павлодар облысының кей жерлерінде бұрқасын болып, тұман түседі. 11-13 наурыз аралығында ауа температурасы 10-15-тен, кей жерлерде 22-27 градус аязға дейін күрт төмендейді, кей жерлерде 30 градус аяз болады.

Қостанай облысында 11-13 наурыз аралығында ауа температурасы күрт төмендейді, 10-15 градустан, кей жерлерде 18 градусқа дейін, кей жерлерде 20-25-28 градус аяз болады.

13 наурызда Ақтөбе облысында ауа температурасы 15-20-дан 22-27-ге дейін күрт төмендейді, кей жерлерде 30 градус аяз болады.