Ауа райы: 11 облыста дауылды ескерту жарияланды

Ауа райының қолайсыздығына байланысты еліміздің 11 облысында дауылды ескерту жарияланды.

Синоптиктердің хабарлауынша Шығыс Қазақстан, Қарағанды, Павлодар, Солтүстік Қазақстан, Ақмола және Батыс Қазақстан облыстарында бұрқасын соғады, көктайғақ болып, тұман түсуі ықтимал. Жел екпіні кей жерлерде секундына 28 метрге дейін жетуі мүмкін. Ал Қызылорда және Маңғыстау облысының кей жерлерінде найзағай ойнап, күндіз шаңды дауыл соғады дейді мамандар.