423,81 504.32 5.82
+7 (7172) 757 485 24kz@khabar.kz

ҚМДБ Ораза айт намазына қатысты мәлімдеме жасады

  • 529
  • UPD: 17:47, 11.05.2021
ҚМДБ Ораза айт намазына қатысты мәлімдеме жасады

ҚМДБ еліміз бойынша мешіттердің аулаларында Ораза айт намазы оқылатынын (Жергілікті бас санитарлық дәрігерлердің қаулысы бойынша рұқсат етілген) хабарлады.

Ең бастысы мешітке келуші мұсылман жамағатын төмендегі сақтық шараларға мән беруге шақырамыз: бетперде (маска) тағып келу, үйден дәрет алып кел, Намаздан соң қол беріп амандаспау, Намаздан кейін көп кідірмей үйге қайту, жамағатпен оқылатын намазға балиғатқа толмаған балаларды алып келмеу, науқастар мен әйелдердің айт намазына қатыспағаны абзал.

«Барша мұсылман қауымын осы жағдайларға түсіністікпен қарауға шақырамыз. Жұқпалы індетті таратпау үшін әр азамат өзінің отбасы, қоғам алдындағы жауапкершілігін терең сезініп, санитарлық талаптар мен мешіт тәртібіне бағынуы қажет. Барша жамағатты өзі мен отбасының, еліміз бен жеріміздің амандығы үшін Жаратқанға дұға жасауға үндейміз. Алла Тағала жер бетіндегі күллі адамзатты түрлі апаттан сақтап, жұқпалы індеттен аман еткей! Әмин!», - делінген хабарламада.

Хабар 24 телеарнасы