Қазақстан халықаралық әуе рейстерінің санын арттырды, деп хабарлады ҚР ИИДМ баспасөз қызметі.
Қазақстан Республикасының аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның 6 мамырдағы шешіміне сәйкес Черногория, Біріккен Араб Әмірліктері (БАӘ), Қырғызстан, Өзбекстан және Нидерланд бағыттары бойынша тұрақты халықаралық әуе рейстерін мына бағыттар бойынша ашуға және ұлғайтуға рұқсат етілді:
Черногория:
15 мамырдан бастап Қазақстан тарапы үшін аптасына 5 рейспен Алматы – Подгорица – Алматы және Қазақстан тарапы үшін аптасына 3 рейспен Нұр-Сұлтан – Подгорица – Нұр-Сұлтан бағыттары бойынша жолаушылар рейстері ашылады.
БАӘ:
10 мамырдан бастап Алматы – Дубай – Алматы бағытында тұрақты рейстер санын әр тарап үшін аптасына 5-тен 7 рейске дейін және Нұр-Сұлтан – Дубай – Нұр-Сұлтан бағытында әр тарап үшін аптасына 3-тен 5 рейске дейін ұлғайтылады.
Қырғызстан:
15 мамырдан бастап Қазақстан тарапы үшін аптасына 7 рейспен Алматы – Тамшы – Алматы бағытында жолаушылар рейстері ашылады.
Өзбекстан:
15 мамырдан бастап әр тарап үшін аптасына 2 рейспен Алматы – Самарқанд – Алматы бағытында жолаушылар рейстері ашылады.
Сонымен қатар 20 мамырдан бастап «Эйр Астана» АҚ-ның Атырау – Франкфурт – Атырау бағытындағы рейстерін кезең-кезеңмен Атырау – Амстердам – Атырау бағытындағы рейстерге ауыстыруына рұқсат етілді. Басында 1 рейспен, әрі қарай Нидерланд тарапынан шектеулердің алынып тасталуына қарай 2 рейске дейін арттыру көзделеді.
Рейстер санитарлық-эпидемиологиялық талаптарды қатаң сақтай отырып және әуе компанияларының сайттарында жарияланға кестеге сәйкес орындалады.