427,82 518.00 5.92
+7 (7172) 757 485 24kz@khabar.kz
ҚАЗ

ҚР Бас санитар дәрігерінің жаңа қаулысы шықты

  • 305
  • UPD: 22:36, 30.05.2021
ҚР Бас санитар дәрігерінің жаңа қаулысы шықты

ҚР Бас мемлекеттік санитариялық дәрігерінің жаңа қаулысы шықты, деп хабарлайды ҚазАқпарат.

2021 жылғы 27 мамырдағы №23 27 мая 2021 года №23 Нұр-Сұлтан қаласы город Нур-Султан Қазақстан Республикасының Бас мемлекеттік санитариялық дәрігерінің 2021 жылғы 27 қаңтардағы № 3 қаулысына толықтырулар енгізу туралы Қазақстан Республикасының халқы арасында коронавирустық инфекцияның таралуының алдын алу мақсатында ҚАУЛЫ ЕТЕМІН:

1. «Қазақстан Республикасының халқы арасында коронавирустық инфекция ауруының алдын алу жөніндегі шараларды одан әрі жүргізу туралы» Қазақстан Республикасының Бас мемлекеттік санитариялық дәрігерінің 2021 жылғы 27 қаңтардағы № 3 қаулысына (бұдан әрі – ҚР БМСД №3 қаулысы) мынадай толықтырулар енгізілсін:

ҚР БМСД №3 қаулысына 1-қосымша мынадай мазмұндағы 16-1-тармақпен толықтырылсын:

«16-1. КВИ-ға қарсы вакцинацияны жүргізуге тартылған медициналық ұйымдар:

1) Қазақстан Республикасының азаматтарына осы Әдістемелік ұсынымдарға 5-қосымшадағы нысанға сәйкес талап ету бойынша қағаз тасығышта Қазақстан Республикасында жүргізілген КВИ-ға қарсы вакцинация туралы анықтаманы 2021 жылғы 1 маусымынан бастап береді;

2) шетелдік азаматтарға осы Әдістемелік ұсынымдарға 5-қосымшадағы нысанға сәйкес талап ету бойынша қағаз тасығышта Қазақстан Республикасында жүргізілген КВИ-ға қарсы вакцинация туралы анықтаманы 2021 жылғы 1 маусымынан бастап береді;

3) мүгедектер қатарындағы мүмкіндігі шектеулі адамдарға үйіне барып, КВИ-ға қарсы вакцинация жүргізуді ұйымдастырады.»; ҚР БМСД № 3 қаулысына 1-қосымша мынадай мазмұндағы 72-1-тармақпен толықтырылсын:

«72-1. КВИ-ға қарсы вакцинацияны жүргізуге тартылған медициналық ұйымдар:

1) растайтын құжаттар ұсынылған жағдайда шет елде КВИ-ға қарсы екпе алған Қазақстан Республикасы азаматтарының КВИ-ға қарсы вакцинациялануы туралы мәліметтерді 2021 жылғы 1 шілдесінен бастап ҚР ДСМ ХТТ «Вакцинация» модуліне (бұдан әрі – Модуль) енгізеді;

2) Қазақстан Республикасы Білім және ғылым министрлігі (бұдан әрі – ҚР БҒМ) растайтын ақпарат ұсынған жағдайда клиникалық зерттеулер шеңберінде «QazCovid – in» («QazVac») вакцинасымен КВИ-ға қарсы екпе алған Қазақстан Республикасы азаматтарының КВИ-ға қарсы вакцинациялануы туралы мәліметтерді Модульге енгізеді;

3) ҚР БҒМ растайтын ақпарат ұсынған жағдайда «QazCovid-in» («QazVac») вакцинасымен КВИ-ға қарсы екпе алған Қазақстан Республикасы Білім және ғылым министрлігі Ғылым комитетінің Биологиялық қауіпсіздік проблемалары ғылыми-зерттеу институты қызметкерлерінің КВИ-ға қарсы вакцинациялануы туралы мәліметтерді Модульге енгізеді.»;

ҚР БМСД № 3 қаулысына 1-қосымша мынадай мазмұндағы 72-2-тармақпен толықтырылсын: «72-2. Облыстардың, Нұр-Сұлтан, Алматы және Шымкент қалаларының денсаулық сақтау басқармаларының жауапты адамдары Модульге КВИ-ға қарсы вакциналардың қозғалысы бойынша деректерді күн сайын енгізеді.»;

ҚР БМСД № 3 қаулысына 1-қосымша мынадай мазмұндағы 72-3-тармақпен толықтырылсын:

72-3. «КВИ-ға қарсы вакцинация жүргізу нәтижелері бойынша Қазақстан Республикасының азаматтары мен шетел азаматтары осы Әдістемелік ұсынымдарға 6-қосымшадағы нысанға сәйкес «eGov mobile» мобильді қосымшасының «Цифрлық құжаттар» сервисінде электрондық «Вакцинация паспортын» алады.».

2. Осы қаулының орындалуын бақылауды өзіме қалдырамын.

3. Осы қаулы қол қойылған күнінен бастап күшіне енеді.

Қазақстан Республикасының Бас мемлекеттік санитар дәрігері Е. Қиясов

Хабар 24 телеарнасы