427,23 518.00 5.85
+7 (7172) 757 485 24kz@khabar.kz
ҚАЗ

Тұрғын үй алуға кезекте тұрғандарға мемлекет тарапынан қандай көмек көрсетіледі?

  • 135
  • UPD: 17:16, 02.06.2021
Тұрғын үй алуға кезекте тұрғандарға мемлекет тарапынан қандай көмек көрсетіледі?

Бүгінгі таңда 562 мың азамат үй алу кезегінде тұр.

Оның ішінде 185 мың адам отбасының әрбір мүшесіне шаққанда табысы ең төменгі күнкөріс деңгейінен төмен санатқа жатады. Олар негізінен – көп балалы отбасылар, жетім балалар, мүгедек балалары бар отбасылар және халықтың басқа да әлеуметтік аз қорғалған топтары. Оларға арнап жалға берілетін баспана құрылысына жеке инвестицияларды тарта отырып, жеке тұрғын үй қорынан жалдау ақысын субсидиялау тетігі енгізіліп жатыр.

Жалдау ақысы Нұр-Сұлтан және Алматы қалалары үшін 31 айлық есептік көрсеткіш (90 427 теңге), өзге өңірлер үшін 21 айлық есептік көрсеткіш (61 257 теңге) және ауылдық жерлер үшін 15 айлық есептік көрсеткіш (43 755 теңге) мөлшерінде мемлекеттік қаражат есебінен субсидияланады.

Кезекте тұрған қалған 377 мың адам отбасының әрбір мүшесіне шаққанда бір ең төменгі күнкөріс деңгейінен жоғары табыс табады. Оларға мемлекеттік қызметкерлер, бюджеттік мекеме қызметкерлері, толық емес отбасылар жатады (жыл сайын 32 мың адамға артып келеді). «Отбасы банк» арқылы ол азаматтарға кредиттік тұрғын үй және жеңілдетілген несие беріледі.

Осы мақсатпен «Отбасы банкі» базасында «Алғашқы тұрғын үймен қамтамасыз ету орталығы» құрылды. Орталық кезекте тұрған азаматтармен жұмыс жүргізеді.

Ақпарат көзі: ИИДМ баспасөз қызметі

Хабар 24 телеарнасы