Ауа райы: алты облыста дауылды ескерту жарияланды

Қазгидромет ауа райының қолайсыздығына байланысты алты облыста дауылды екерту жариялады.

23 тамызда Қызылорда облысының орталығында шаңды дауыл сақталады. Жел солтүстік-шығыстан соғады, күші облыстың орталығында 15-20 м/с сақталады. Төтенше өрт қаупі сақталады.

Күндіз 23-25 тамызда Жамбыл облысының таулы және тау бөктерлі аудандарында найзағай, бұршақ күтіледі. Облыстың солтүстік-шығысында шаңды дауыл күтіледі. 23-25 тамызда солтүстік-шығыстан жел соғады, облыстың солтүстік-шығысында, оңтүстік-батысында 15-20 м/с күтіледі. Төтенше өрт қаупі сақталады.

Қостанай облысының көп бөлігінде 37 градусқа дейін қатты ыстық сақталады. Облыстың орталық және оңтүстік аудандарында төтенше өрт қауіпі сақталады.

Маңғыстау облысының оңтүстігінде 40 градус қатты ыстық сақталады.

23-24 тамызда Қарағанды облысының солтүстігінде, шығысында солтүстік-шығыстан жел соғады, екпіні 15-20 м/с күтіледі. Күндіз 23-24 тамызда облыстың оңтүстігінде 35 градус қатты ыстық сақталады. Облыстың оңтүстік-батысында жоғары өрт қаупі сақталады.

23-24 тамызда Солтүстік Қазақстан облысында 35 градус қатты ыстық күтіледі, төтенше өрт қауіпі сақталады.