USD 446.33
EUR 485.56
RUB 5.04
Елордалық Көлік және жол-көлік инфрақұрылымын дамыту басқармасы Қалалық ПД әкімшілік полиция басқармасының келісімімен Жетіген көшесіндегі жол төсемін орташа жөндеу жұмыстарын бастады, деп хабарлайды Нұр-Сұлтан әкімдігінің ресми сайты.
Жол қозғалысы қауіпсіздігін қамтамасыз ету мақсатында Жетіген көшесінде Досмұхамедұлы көшесінен Алаш тас жолына дейінгі учаскеде жөндеу жұмыстары жүргізілуде. Осыған байланысты 15-25 қазан аралығында мұнда автокөлік құралдары үшін қозғалыс ішінара жабылады.
«Қала жолдарында кептеліс тудырмау үшін елорда тұрғындары мен қонақтары өз қозғалыс бағыттарын алдын ала жоспарлауы қажет.
Келтірілген қолайсыздықтар үшін кешірім сұраймыз және жөндеу жұмыстарын жүргізуге түсіністікпен қарауды сұраймыз», – деп хабарлады көлік басқармасы.
