433,39 493.30 5,91
+7 (7172) 757 485 24kz@khabar.kz

Қар, тұман, көктайғақ: 3 қарашаға арналған ауа райы болжамы

  • 227
  • UPD: 16:58, 02.11.2021
Қар, тұман, көктайғақ: 3 қарашаға арналған ауа райы болжамы inform.kz

Қазақстан аймақтарында 2021 жылғы 3 қарашада болатын ерекше метеорологиялық құбылыстарға болжау консультациясы жарияланды.

Антициклон жотасының әсерінен ҚР батысы мен солтүстігінде жауын-шашынсыз ауа райы күтіледі. Республиканың қалған аумағында фронтальді бөліктердің өтуімен тұрақсыз ауа райы сақталады, жауын-шашын (жаңбыр, қар) жауады, солтүстігінде, шығысында және орталығында – қар түрінде, түнде шығысында қатты қар жауады. Республиканың басым бөлігінде тұман, желдің күшеюі, солтүстігінде, шығысында және орталығында көктайғақ, жаяу бұрқасын күтіледі.

Шығыс Қазақстан облысының солтүстік жартысында, Қарағанды облысының солтүстігінде, шығысында тұман, көктайғақ, бұрқасын күтіледі, жел 15-20 м/с күшейеді, Шығыс Қазақстан облысында екпіні 23 м/с жетеді. Күндіз Алматы облысының солтүстік-шығысында, Түркістан облысының солтүстігінде, батысында, Қызылорда облысының түнде солтүстігінде, күндіз басым бөлігінде, Атырау облысының батысында, солтүстігінде және шығысында, солтүстігінде, оңтүстігінде және Ақтөбе облысының орталығында жел 15-20 м/с, Қызылорда және Түркістан облыстарында екпіні 23 м/с жетеді.

Жамбыл облысының солтүстігінде және таулы аудандарында тұман күтіледі, күндіз солтүстік-шығысында және таулы аудандарында жел 15-20 м/с күшейеді. Күндіз Маңғыстау облысының солтүстік-шығысында шаңды дауылмен жел 15-20 м/с күшейеді. Түнде және таңертең Батыс Қазақстан облысының солтүстігінде тұман күтіледі. Павлодар облысында көктайғақ күтіледі.

Хабар 24 телеарнасы