loader

Еліміздің он облысында ауа райына байланысты ескерту жарияланды

Еліміздің он облысында ауа райына байланысты ескерту жарияланды

«Қазгидромет» РМК 18 қараша күні ауа райының бұзылуына байланысты бірнеше өңірде ескерту жариялады.

Қызылорда облысының орталығында оңтүстік-батыстан және батыстан жел соғып, екпіні 15-20 м/с артады.

Түнде Ақтөбе облысында облыстың солтүстігінде, оңтүстік-шығысында бұрқасын күтіледі. Желдің жылдамдығы 18 м/с құрайды.

Түнде Павлодар облысының басым бөлігінде, күндіз оңтістінде жаяу бұрқасын болжанады. Оңтүстік-батыстан батыстан жел соғады, түнде өңірдің басым бөлігінде екпіні 15-20 м/с артады.

Ақмола облысының солтүстігінде, шығысында тұман, жаяу бұрқасын күтіледі. Оңтүстік-батыстан соғатын жел солтүстік-батысқа ауысып, екпіні 15-20 м/с жетеді.

Түнде және таңертең Алматы облысының шығысында тұман, көктайғақ болады. Түнде өңірдің шығысында және таулы аудандарында солтүстік-батыстан жел соғады, күші 15-20 м/с.

Батыс Қазақстан облысының солтүстігінде тұман, түнде өңірдің солтүстік-шығысында, шығысында көктайғақ күтіледі.

Шығыс Қазақстан облысында бұрқасын, көктайғақ күтіледі. Түнде желдің екпіні 25 м/с жетеді.

Қарағанды облысының басым бөлігінде көктайғақ, бұрқасын болады. Оңтүстік-батыстан, батыстан жел соғады, түнде өңірдің шығысында жылдамдығы 23-28 м/с артады.

Түнде және таңертең Қостанай облысының шығысында, оңтүстік-шығысында тұман, жаяу бұрқасын күтіледі. Солтүстік-батыстан жел соғады, күші облыстың шығысында, оңтүстік-шығысында 15-20 м/с жетеді.

Түнде Солтүстік Қазақстан облысының басым бөлігінде қар жауады. Облыстың солтүстігінде, шығысында жаяу бұрқасын жүреді. Облыстың оңтүстік-батысында түнде және таңертен тұман болжанады. Желдің күші - 15-20 м/с.

Сондай-ақ...