Еліміздің бірнеше өңірінде дауылды ескерту жарияланды

«Қазгидромет» РМК еліміздің жеті облысында бүгін қатты жел болатынын болжады, деп хабарлайды «Хабар 24».

Күндіз Ұлытау облысының солтүстігінде, шығысында оңтүстік-батыстан, батыстан соққан желдің екпіні 15-20 м/с дейін жетеді. Күндіз Қарағанды облысының солтүстігінде, шығысында оңтүстіктен, оңтүстік-батыстан соққан желдің екпіні 15-20 м/с болады.

Түнде және таңертең Батыс Қазақстан облысының солтүстік-батысында, солтүстігінде, сондай-ақ Орал қаласында түнде және таңертең тұман түсуі мүмкін. 

Күндіз Түркістан облысының солтүстігінде шаңды дауыл тұруы ықтимал. Күндіз облыстың шығысында, таулы аудандарында шығыстан соққан желдің екпіні 15-20 м/с жетеді.

Күндіз Павлодар облысының оңтүстік-батысында оңтүстіктен 15-20 м/с жылдамдықпен жел соғады деп күтіледі.

Күндіз Ақтөбе облысының солтүстігінде батыстан, солтүстік-батыстан соққан желдің екпіні 15 м/с болады.

Түнде Қостанай облысының шығысында тұман түсуі ықтимал. Күндіз облыстың солтүстігінде найзағай ойнайды. Күндіз облыстың батысында батыстан, солтүстік-батыстан 15-20 м/с жылдамдықпен жел соғады деп күтіледі.