Еліміздің 7 өңірінде жол қозғалысына шектеу қойылды. Оған Ақтүтек боран мен қарғын су себеп болып тұр.
Қазір республикалық маңызы бар 10 күре жол жабық. Мамандар жасанды жолмен қар көшкінін түсіріп, еріген қар суын өзге арнаға бұрып жатыр. Құзырлы органдар Ақмола, Ақтөбе, Алматы, Шығыс Қазақстан, Жамбыл, Батыс Қазақстан және Павлодар облыстарының тұрғындарын алыс сапарға шықпауға шақырады. Ал оқыс жағдайға тап болғандар 1403 нөміріне қоңырау шалып, көмек шақыра алады.
