«Қазгидромет» синоптиктері 20–22 қазанға арналған Астана, Алматы және Шымкент қалаларының ауа райы болжамын ұсынды. Елордада жаңбыр аралас қар жауып, екпінді жел соғады деп күтілсе, Алматы мен Шымкентте жауын-шашынсыз күн ашық болады, деп хабарлайды «24KZ».
Астана
20 қазан: Астанада көшпелі бұлт шығады, түнде және таңертең жаңбыр мен қар аралас жауын-шашын болады. Оңтүстік-батыстан соғатын жел солтүстік-батысқа ауысады, жылдамдығы секундына 9–14 метрді құрайды, екпіні секундына 15–20 метрге жетеді. Ауа температурасы түнде де, күндіз де 1–3 градус жылы болады.
21 қазан: Көшпелі бұлт сақталады, кей уақыттарда жаңбыр мен қар жауады. Солтүстік-батыстан соғатын жел секундына 15–20 метрге дейін күшейеді, кей уақытта екпіні секундына 23 метрге жетеді. Түнде температура 1–3 градус жылы болады, күндіз ауа 6–8 градусқа дейін жылынады.
22 қазан: Көшпелі бұлт шығады, кей уақыттарда жаңбыр аралас қар жауады деп болжанады. Солтүстік-батыстан жел соғады, жылдамдығы секундына 9–14 метр, екпіні секундына 15–20 метрге жетеді. Tүнде 1–3 градус жылы, күндіз 4–6 градус жылы болады деп күтілуде.
Алматы
20 қазан: Алматыда көшпелі бұлт шығады, жауын-шашынсыз. Солтүстік-шығыстан секундына 3–8 метр жел соғады. Ауа температурасы түнде 4–6 градус жылы, күндіз 18–20 градус жылы болады.
21 қазан: Жауын-шашын күтілмейді, көшпелі бұлт сақталады. Солтүстік-шығыстан секундына 3–8 метр жел соғады, күндіз екпіні секундына 12 метрге жетеді. Түнде температура 3–5 градус жылыға дейін төмендейді, күндіз 14–16 градус жылы болады деп күтіледі.
22 қазан: Көшпелі бұлт болады, жауын-шашын түспейді. Солтүстік-шығыстан секундына 3–8 метр жел соғады, күндізгі екпіні секундына 12 метрге жетеді. Түнде 3–5 градус жылы, күндіз 15–17 градус жылы болады.
Шымкент
20 қазан: Шымкентте көшпелі бұлт шығады, жауын-шашынсыз. Солтүстік-шығыстан секундына 8–13 метр жел соғады. Ауа температурасы түнде 8–10 градус жылы, күндіз 21–23 градус жылы болады.
21 қазан: Көшпелі бұлт сақталады, жауын-шашын күтілмейді. Солтүстік-шығыстан секундына 8–13 метр жел соғады. Түнде температура 8–10 градус жылы, күндіз 18–20 градус жылы болады.
22 қазан: Көшпелі бұлт болады, жауын-шашын болмайды. Солтүстік-шығыстан секундына 8–13 метр жел соғады. Түнде ауа температурасы 6–8 градусқа дейін салқындайды, күндіз 18–20 градус болып жылынады.
