427,82 518.00 5.92
+7 (7172) 757 485 24kz@khabar.kz
ҚАЗ

Жазғы лагерьлер ұйымдастыру үшін 3,8 млрд теңге бөлінді

  • 802
  • UPD: 11:42, 01.06.2021

Елде Жыл бойы және маусымдық демалысқа арналған қала сыртындағы 235 лагерь жұмыс істейді. Оның 143-і мемлекеттік және 92-сі жеке меншік.

Осы лагерьлерде балалардың жазғы демалысын ұйымдастыруға биыл жергілікті атқарушы органдардан 3 миллиард  816 миллион теңге бөлінді. Бұл қаржыға 9 әлеуметтік санатқа жататын және үздік оқушылар мен төтенше жағдайлар кезінде зардап шеккен бүлдіршіндердің демалысы ұйымдастырылады.

Ал қалған балалар жазғы лагерьлерге ақылы негізде бара алады.

Естеріңізде болса, былтыр карантин шектеулеріне байланысты жазғы демалыс орындары жұмыс істеген жоқ. Бірақ осы мақсатта 3 миллиард 774 миллион бөлінген болатын. Оның тек 822 миллионы ғана игерілді. 2019 жылдың жазында балалар демалысы үшін 4 миллиард 333 миллион теңге бөлінді. Осы қаржыға 377 мыңға жуық баланың жазғы демалысы ұйымдастырылды.

Хабар 24 телеарнасы