424,44 504.55 5.80
+7 (7172) 757 485 24kz@khabar.kz
ҚАЗ

300 мың адамға баспана мәселесін шешу үшін 1,5 трлн теңге аударылды

  • 773
  • UPD: 13:07, 07.07.2021

Екі мыңға жуық қазақстандық азамат зейнетақы жинақтарын инвестицияға айналдырды. Еліміздегі төрт басқарушы компанияға 4 млрд теңге аударылған.

Бір транзакция шамамен 2 млн теңгеге тең. Ең сенімді компания ретінде «Жусан Инвест» таңдалған. Табысын еселегісі келгендердің жартысына жуығы қаржысын осында аударған. Дегенмен, қаржыгерлер қауіпсіздік мақсатында ақшаны төрт компанияға теңдей бөлуге кеңес береді. Ал түскен қаражат көңіліңізден шықпаса, ақшаңызды қорға қайта аударыңыз. Зейнетақы жинақтары арқылы баспаналы болып жатқандар бар. Бірыңғай жинақтаушы зейнетақы қорына осындай 300 мыңнан аса өтініш түскен. Ашылған арнайы шотқа 1,5 трлн теңге аударылыпты. Белсенді аймақтар қатарында Алматы, Маңғыстау облыстары мен Нұр-Сұлтан қаласы бар. Денсаулығын түзеуге ниеттенген 35 мың адам өтініш қалдырған. Олардың 20 мыңға жуығына 18 млрд теңге аударылды.

Биыл Түркияға туризм саласынан 20 млрд доллар кіріс түседі. Жылдағы көрсеткіш 60 млрд доллардан асатын. Елде бірінші шілде күні локдаун алынды. Бұл меймандар ағынын еселейді. Мұнда былтырдан бері қауіпсіз туризм бағдарламасы жүзеге асып жатыр. Бұл туристік нысандардың барлық халықаралық гигиеналық талапқа сай екенін көрсетеді. Әзірге әлемдегі туристік елдердің 30 проценті жабық. Оның дені Азия – Тынық мұхиты аумағында шоғырланған. Мұндағы бағыттардың 70%, Еуропада 13, Америкада 20, Африкада 18, Таяу шығыста 31 процентке жабық тұр. Мамандар тек Албания, Коста-Рика және Доминикана Республикасы туристерді еш шектеусіз қабылдап жатқанын айтады.

Хабар 24 телеарнасы