Air Astana әуе компаниясы Алматы мен Астанадан Оманның Салала қаласына тұрақты рейстерді іске қосады, деп хабарлайды 24KZ ҚР Көлік министрлігіне сілтеме жасап.
Алматы – Салала бағыты бойынша алғашқы рейс 23 қазанда орындалады. Ұшақтар аптасына бір рет, жұма күндері қатынайды. Ал Астана – Салала бағыты бойынша рейстер 24 қазанда басталады. Бұл бағытта әуе кемелері сенбі сайын ұшады. Екі бағытта да Airbus A320 ұшақтары пайдаланылады.
Қазір Оманға Алматы – Маскат бағыты бойынша Salam Air әуе компаниясы рейстер орындайды.
Жаңа бағыттардың ашылуы Қазақстан мен Оман арасындағы сауда-экономикалық, іскерлік және туристік байланыстарды дамытуға ықпал етеді деп күтілуде.
